ஐக்கிய அரபு அமீரகம்-இந்தியா இடையே கடலுக்கு அடியில் தொடருந்து சேவை தொடங்கப்பட இருப்பதாக தகவல்கள் வெளியாகி உள்ளன.
இது தொடர்பாக ஐக்கிய அரபு அமீரக தேசிய ஆலோசனை குழு புதிய திட்டம் ஒன்றை பரீசிலனையில் வைத்துள்ளதாக கூறப்படுகின்றன.
அதன்படி துபாய் மற்றும் மும்பை இடையே கடலுக்கு அடியில் செல்லும் தொடருந்து பாதையை உருவாக்க திட்டமிடப்பட்டுள்ளது.
இந்த தொடருந்து பாதை உருவாக்கப்பட்டால் அதில் பயணிக்கும் தொடருந்து மணிக்கு 600 முதல் 1000 கி.மீ. வேகம் வரை இயங்கும் திறன் கொண்டதாக வடிவமைக்கப்படும் என தெரிவிக்கப்பட்டுள்ளது.
துபாயில் இருந்து 2 ஆயிரம் கி.மீ. தூரத்தில் அமைந்துள்ள மும்பைக்கு, விமானங்களும், கப்பல்களும் இயக்கப்பட்டு வரும் நிலையில், புதிதாக அதில் கடலுக்கு அடியில் தொடருந்து போக்குவரத்தும் இணையவுள்ளது.
இந்த சேவை தொடங்கப்பட்டால் துபாயில் இருந்து இந்தியாவின் மும்பைக்கு 2 மணி நேரத்தில் சென்றடைய முடியும் என கூறப்படுகிறது.
இது கச்சா எண்ணை உள்ளிட்ட முக்கியமான மூலப்பொருட்களை துபாயில் இருந்து இந்தியாவிற்குள் இறக்குமதி செய்ய புதிய மற்றும் குறைந்த செலவிலான வழியை ஏற்படுத்தும் என நம்பப்படுகிறது.
இந்த திட்டம் 2030-ம் ஆண்டுக்குள் பயன்பாட்டிற்கும் வரும் என எதிர்பார்க்கப்படுகிறது.
