அமெரிக்க ஜனாதிபதி டொனால்ட் ட்ரம்ப் வரிகளை அறிவித்ததன் பின்னர், அமெரிக்க பங்குச்சந்தை கடுமையான சரிவை சந்தித்துள்ளது.
நைக், ஐ-போன் மற்றும் அமேசன் போன்ற முக்கிய நிறுவனங்களின் பங்குங்கள் சரியத் தொடங்கியுள்ளன.
டொனால்ட் ட்ரம்ப் சீனா, இந்தியா, இலங்கை மற்றும் பிரித்தானியா உள்ளிட்ட பல்வேறு நாடுகளின் ஏற்றுமதிப் பொருட்கள் மீது வரிகளை விதித்துள்ளார்.
இதற்கு, பதிலடி அளிக்கும் வகையில் பிரித்தானியாவும் அமெரிக்கத் தயாரிப்புகளின் பட்டியலைத் தயாரித்து வருவதாக தெரிவிக்கப்படுகின்றது.
இந்நிலையில், ட்ரம்ப்பின் இந்த வரிக் கொள்கை உலக பொருளாதாரத்தை கடுமையாக பாதிக்கும் என பொருளாதார வல்லுநர்கள் கூறுகின்றனர்.
இவ்வாறிருக்க, வரிக் கொள்கையில் பெரிய மாற்றம் ஏற்படுத்தப்பட்டுள்ள சூழ்நிலையில், அமெரிக்கர்களை பொறுமையாக இருக்குமாறு அந்நாட்டு துணை ஜனாதிபதி ஜே டி வான்ஸ் கூறியுள்ளார்.
அனைத்து விடயங்களும் ஒரே இரவில் சிறப்பாக மாற வாய்ப்பில்லை என அவர் சுட்டிக்காட்டியுள்ளார்.
