கனடாவின் நிரந்தர குடியுரிமைக்கு விண்ணப்பிப்போருக்கு வெளியான தகவல்

கனடா (Canada) அரசு, தற்போது எக்ஸ்பிரஸ் என்ட்ரி (Express Entry) அமைப்பின் கீழ் நிரந்தர குடியுரிமைக்கு விண்ணப்பிக்க அழைப்பு விடுத்துள்ளது.

பிரஞ்சு மொழி திறனை கொண்ட வெளிநாட்டவர்களுக்கு இந்த சந்தர்ப்பம் வழங்கப்பட்டுள்ளது.

கனடாவின் குடிவரவு, அகதிகள் மற்றும் குடியுரிமை பிரிவு (IRCC) இந்த அறிவித்தலை விடுத்துள்ளது.

இந்த சுற்று மூலம் Federal Skilled Worker Program, Canadian Experience Class, மற்றும் Federal Skilled Trades Program போன்ற திட்டங்களில் விண்ணப்பிக்க வாய்ப்பு வழங்கப்பட்டுள்ளது.

மொத்தமாக 1,000 பேர் அழைக்கப்பட்டுள்ள நிலையில், இதற்கான குறைந்தபட்ச CRS (Comprehensive Ranking System) மதிப்பெண் 444 ஆக நிர்ணயிக்கப்பட்டுள்ளது.

இந்த சுற்றின் நேரம் ஒக்டோபர் 10, 2024, 15:45:35 UTC, மற்றும் டை-பிரேக்கிங் விதி செப்டம்பர் 27, 2024, 18:56:32 UTC ஆகும். முந்தைய பிரஞ்சு மொழி திறன் அடிப்படையிலான சுற்று செப்டம்பர் 13, 2024 அன்று நடத்தப்பட்டது.

அப்போது 1,000 பேர் அழைக்கப்பட்டனர், மற்றும் குறைந்தபட்ச CRS மதிப்பெண் 446-ஆக இருந்தது.