இலங்கையில் பணவீக்கத்தில் ஏற்பட்டுள்ள மாற்றம்

கொழும்பு நுகர்வோர் விலை சுட்டெண் அடிப்படையிலான முதன்மை பணவீக்கம் கடந்த செப்டெம்பர் மாதத்துடன் ஒப்பிடுகையில் இந்த மாதத்தில் வீழ்ச்சியைப் பதிவு செய்துள்ளது.

தொகை மதிப்பு மற்றும் புள்ளிவிபரத் திணைக்களம் வெளியிட்டுள்ள புதுப்பிக்கப்பட்ட அறிக்கையில் இந்த விடயம் தெரிவிக்கப்பட்டுள்ளது.

இதற்கமைய, கடந்த செப்டெம்பர் மாதத்தில் மறை 0.5 சதவீதமாக இருந்த கொழும்பு நுகர்வோர் விலைச் சுட்டெண் அடிப்படையிலான முதன்மை பணவீக்கம் இந்த மாதத்தில் மறை 0.8 சதவீதமாக வீழ்ச்சியடைந்துள்ளது.

அதேநேரம், கடந்த மாதம் செப்டம்பர் மாதம் மறை 0.3 ஆக இருந்த உணவு பணவீக்கம் இந்த மாதம் சிறியளவு உயர்ந்தும் ஒரு சதவீதமாக பதிவாகியுள்ளது.

அத்துடன், செப்டம்பர் மாதத்தில் மறை 0.5 ஆக இருந்த உணவல்லா பணவீக்கம் மறை 1.6 ஆக ஒக்டோபரில் வீழ்ச்சியடைந்துள்ளதாக தொகை மதிப்பு மற்றும் புள்ளிவிபரத் திணைக்களம் தெரிவித்துள்ளது.